cat.girls

استغفر الله .....ماشاء اللـه
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 ليش الهندي طايح من عين الكل<<مما اعجبني

اذهب الى الأسفل 
كاتب الموضوعرسالة
كدوشهـ فسفوريه
المدير العام
المدير العام
avatar

عدد المساهمات : 212
تاريخ التسجيل : 01/08/2009

مُساهمةموضوع: ليش الهندي طايح من عين الكل<<مما اعجبني   الجمعة سبتمبر 11, 2009 9:55 am

السلام عليكم و رحمة الله و بركاته ]

قوة ..
شلونكم شخبااركم اليوم ودي أتكلم معاكم عن شغلة حيل زاعجتني ..
موضوع الصراحة منتشر بـ كل مكان و ودي أطرحه ..


ليش الهندي لو دعم أي شاب بـ سيارته ينزلّه و على طول يعصب عليه و يطقه ؟
و حتى عادي عنده يقطه بـ الأرض و يدوس عليه !أما لو اللي داعمه من عيال ديرته
ينزلّه و يسلم عليه و يقوله عادي كلنا شباب و حصل خير !

يعني ليش أغلب الناس يشوفون إن الهنود أغبية ؟
ليش الهندي محد يحترمه بـ الشارع ؟
و بـ الذات لو كان سايق
ليش الناس بـ نظرهم إن الهندي وُجد لـ خدمة شعبهم ؟
ليش إذ رحت عند دكتور أو مهندس هندي
ما يترس عينك ؟
مع العلم إن أهم متفوقين علينا بـ العلم و التكنولوجيا !
ليش في مقولة :
( ليش , حاط دهن على راسي عبالك هندي ) ؟
ما تدرون إن الهند تملك مفاعلات نووية ؟
ما تدرون إن الهنود أشطر ناس بـ تقنية المعلومات
و الكمبيوتر و البرمجة ؟
ما تدرون إن الهند بلد غني ؟
يعني لازم نحط نفسنا مكان هـ الهندي المسكين اللي نذله
و نستحقره ..

وايد تصير مواقف بـ مدرستي و جدام عيني
بنات يفصخون حجاباتهم و يتمشون بـ المدرسة
جدام أولياء الأمور و العمال
و إذا قلت حق البنت لبسي حجابج
ترد عليك تقولك :
( عادي هندي مو ريال ) !
لي هـ الدرجة وصلت فينا المواصيل إن نقول
عن الهندي مو ريال !
آنا بفهم
شنو يعني مو ريال !
والله عيب :/

بـ صراحة ناس مادري شلون صايرة
لـ الأسف مجتمعنا قاعد يفسد يوم عن يوم بـ سبة عيالنا
اللي نحسبهم بـ يرفعون راسنا
شـ بيقولون عنا هـ الهنود إذا راحوا ديرتهم ؟
شنو الموقف اللي راح ياخذونه منا بعد كل اللي
قاعد يسوونه الناس فيهم ؟
والله حرام
مثل ما إحنا بشر و عندنا إحساس أهم بعد بشر
و عندهم إحساس

و مثل ما قال نبينا صلى الله عليه و سلم :
( لا يؤمن أحدكم حتى يحب لـ أخيه ما يحب لـ نفسه )
دام إن إنت ما ترضى هـ الشي على نفسك
ليش ترضاه على غيرك ؟
طبعاً آنا ما أعم على الكل بـ كلامي
و لكن في ناس وايد من هـ الفئة ..

أكتفي بـ هذا القدر من الكلام ..
و الحين بخلي المايك لكم ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fsfooryat.alafdal.net
 
ليش الهندي طايح من عين الكل<<مما اعجبني
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
cat.girls :: الفئة الأولى :: منتدى الحواار العـ ـام-
انتقل الى: